د قرآن کریم د حفظ د دودولو لارې چارې وڅېړل شوې

ایکنا - د «قرآن کریم د حفظ لارې چارې» په عنوان سره د همفکرئ ناسته، د پوهنتون  د استادانو او قرآني کارپوهانو په ګډون، د ایکنا په کوربتوب ترسره شوه، چې پکې د هېواد د مهمو سندونو  په رڼا کې د قرآن د حفظ د غورځنګ  د سیاست‌جوړونې، پروګرام‌ جوړونې ، زده‌کړې او د ولسی کولو بېلابېل اړخونه وڅېړل شول.

د ایکنا د خبریال د راپور له مخې، د «قرآن کریم د حفظ  سټراټژئ » نومې  د همفکرئ ناسته، چې د همدې اونۍ په لومړۍ ورځ د قرآن کریم د حفظ د سټراټژيک کمیشن  د یو شمېر غړو، د پوهنتون استادانو او قرآني متخصصینو په شتون  کې د ایکنا قرآنی نړیوال خبری آژانس  په کوربتوب جوړه شوې وه، د هېواد د لوړ و او مهمو اسنادو په رڼا کې د قرآن د حفظ د   غورځنګ د سیاست‌جوړونې، پلانونې، روزنې او ولسی کولو پر بېلابېلو اړخونو ټینګار وکړ.

په دې ناسته کې د قرآن کریم د حفظ په برخې کې د اووم پرمختیائي پلان د موخو د تحقق بېلابېل اړخونه، احصایوي او بنسټیزې ننګونې،د حفظ او قرآني  روزنې  ترمینځ اړیکه، او د ټول‌شموله زده‌کړې او ولسی  کولو پر لور د حرکت اړتیا وڅېړل شوه.

ګډونوالو ټینګار وکړ چې د قرآن کریم د حفظ دغورځنګ لپاره باید یو هراړخیز، روښانه او پر خلکو ولاړ  پلان  برابر شي؛داسې طرحه چې د حاکمیتي بنسټونو، شخصیّتونو ، رسنیو او فرهنګي فعالانو په همغږۍ  د ټولنې عمومي اراده دغې  لارې پورې تړلی شي او د هېواد اوږدمهاله قرآني موخې له کاغذي سندونو  څخه د ټولنیز ژوند متن ته  لېږدولی شي. د دې ناستې تفصیل په دوام کې لوستلای شئ:

د ناستې په پیل کې، د قرآن کریم د حفظ د سټراټژيک کمیشن منشي، محمدمهدي بحرالعلوم، د وړاندې شوو راپورونو له قدردانۍ وروسته، د اووم پرمختیائي پلان قرآني اړخونه تشریح کړل او وې ویل:  اووم پرمختیائي پلان د لومړي ځل لپاره په څرګند ډول او روښانو عنوانونو سره د قرآن موضوع څيړلې  ده، او په کې د قرآن د حفظ د پراختیا لپاره مشخص کمّي او بنسټیز اهداف ټاکل شوي دي.

نوموړي زیاته کړه: په دې پلان کې  د قرآن د اجزاوو د کابو ۱۰ میلیونه  حافظانو روزنه، د پوهنې او روزنې په چوکاټ کې د کابو  ۱۲۰۰ تخصصي قرآني ښوونځیو جوړول، د ښوونکو د قرآني مهارتونو لوړول او د قرآني مؤسسو پراختیا په پام کې نیول شوې ده.

د قرآن حفظ علمي څار، راتلونکې‌پېژندنې او فعال حافظ ته اړتیا لري

د ناستې په دوام کې، د هېواد د پوهنتونیانو د قرآني سازمان مشر او د ایکنا عمومي مدیر، جلیل بیت‌مشعلي، د قرآن د ملي حفظ په طرحې کې د پوهنتون د رول پر بیا تعریف ټینګار وکړ او وې ویل: پوهنتونونه د دې طرحې ډېر علمي او میتودولوژیک ستونزې حل کولای شي   او د مسأیلو د نظام پر بنسټ یوه مناسبه لارې‌نقشه وړاندې کولای شي. پوهنتون باید یوازې د قرآن د حفظ په طرحې کې یو اجرایي ځای نه وي، بلکې باید په یو محرک، مخکښ او لارښوونکي ځواک بدل شي.

د ایکنا عمومي مدیر زیاته کړه:  پوهنتون کولای شي د رودې جوړونې، د انساني ځواک د روزنې او د قرآن د حفظ د ارزونې د نظام د طرحې مرکز وګرځي.

هغه د خپلو خبرو درېیم چورلیز د قرآن د ملي حفظ د طرحې څار، ارزونه او راتلونکې‌پېژندنه وبلله او ویې ویل:

د قرآن د ملي حفظ طرحه باید په دوامداره توګه و ارزول شي او له سره ولوستل شي.

https://iqna.ir/fa/news/4333185